Teknologia digitala hezkuntzan
ePortfolioa hezkuntzan
Norekin?
Hainbat hezkuntza erakunderekin lan egin dugu: Mondragon Unibertsitatearekin, Humanitate eta Hezkuntza Zientzien fakultatearekin, Basque Culinary Center-ekin, Enpresagintza fakultatearekin, Gasteizko Berritzegunearekin, Axular Lizeoarekin, Arizmendi Ikastolarekin eta Bastida Eskolarekin.
Noiz?
2017-2018 ikasturtean hasita, ikasturte guztietan landu dugu proiektua hainbat hezkuntza erakundetan.
Zer?
Proiektuaren xede nagusia da hezkuntza erakundeak gaitzea ePortfolioen erabileran. Hainbat unibertsitate, fakultate, berritzegune eta ikastetxerekin elkarlanean jardun dugu ePortfolioen diseinuan eta inplementazioan gidatzeko. Horretarako, formazioa eskaini dugu, diseinurako eta inplementaziorako laguntzak eman ditugu eta hezkuntza erakunde bakoitzaren beharrei erantzungo dion ePortfolioaren markoaren eraikuntzan parte hartu dugu.
Lehen Hezkuntza Graduko Berrikuntza Digitala aipamena
Norekin?
Mondragon Unibersitateko Humanitate eta Hezkuntza Zientzien Fakultateko gradu eskaintzaren barruan sartzen da.
Noiz?
2021-2022 ikasturtean jarri da martxan.
Zer?
Gizarte digitalean bizi gara eta ezin diogu errealitateari muzin egin. Digitalizazioak askotariko aldaketak ekarri ditu: komunikazioan, harremanetan, arlo sozialean… Oinarrizkoa zen alfabetizazioaren esanahia ere zabaldu du eta konpetentzia digitala garatzea behar-beharrezkoa da orain. Hori horrela, argi dago irakasleek oinarrizko formazio digitala behar dutela, teknologia digitala aparteko osagai xumea dela baztertzeko eta berrikuntzarako elementu eraldatzaile gisa ulertzeko. Lehen Hezkuntza Graduko Berrikuntza digitala aipamenarekin, begirada teknopedagogikoa duten irakasleak formatzen ditugu, konpetentzia digitala ikuspegi kritiko eta zuhurretik garatzen dutenak, Lehen Hezkuntzako ikasgeletan ikas- eta irakas-prozesu berritzaileak aurrera eraman ahal izateko.